Bikol Paper No. 43, Bikol Songs by Rodolfo Dato was compiled and translated in October 1922
Cadtong Sarong Aga
Cadtong sarong aga sa bulan nin Mayo
Aco nag pa duman buquid na harayo,
Si doros may dara nin hamot na hamio
Nin si magna burac na sa guilid tobo.
Aco naca pili cadtong sarong burac,
Habo kong goroon ta dai pa bucad,
Nagsabong sa boot na aco nag halat,
Boot na toninong na daima langcag.
Sacong hinihiling sa aga sa hapon
Idtong sa gabos na burac ma gayon;
Sa sacuyang isip puso nag pa sabong
Maghalat bumucad dangan gogonoon.
Pag duman sa naman cadtong sarong aga
Si burac mayo na sa saiyang sanga,
Sa poon nin tanom sacuyang na quita
Ma hamot na burac gnonian ay loyos na.
Tolos na na nag piot sacuyang daghan
Huli can na mate na labing lipongao,
Ano ta sa hare burac na sa inutan
Hamot na pinili digdi sa quinaban
Cundiman
Manga inagrangay simong sinumpaan
Si mga pagnaco simong sinumpaan,
Dios iyong testigo cayan calagnitan
Pagnacong ma moot sagcod na may buhay.
Ano dao sa huli na naguin motivo
Ta dai nin sala aco sa saimo
Ta minsan na pait sa isip boot co
Nag cucuyog lamang lambang simong gusto.
Caya an haga co neneng sa saimo
Cun aco may sala patauaron aco,
Ta ica ay siring man pina patauad co,
Nag tios man ica, mag tios man aco.
Cundiman
Di man co na siring na aco ma motan
Ta di ma sisigo ining sacong buhay
anong maguinibo ta iyan natural
Na aco hababa ta ica alangcao.
Mabuhay, magadan ano man ma abtan,
Ano man mangyari sa samuyang buhay,
Ica neneng ica sacong dodolosan
Ta ica an ragna sacong ca saquitan.
